دنیا بھر میں سوشل میڈیا زندگی کا ایک لازمی حصہ بن چکا ہے، لیکن یہ غلط معلومات، افواہوں اور جعلی خبروں کا بھی ذریعہ بن رہا ہے۔ نئی تحقیق کے مطابق، سوشل میڈیا کے زیادہ استعمال سے نوجوانوں کی ذہنی صحت پر منفی اثرات مرتب ہو رہے ہیں۔
حال ہی میں، آسٹریلیا نے 16 سال سے کم عمر بچوں پر سوشل میڈیا کے استعمال پر پابندی عائد کی ہے، جس کا مقصد بچوں کی ذہنی صحت کو بہتر بنانا ہے۔
ماہرین کا کہنا ہے کہ غیر معیاری مواد کے زیادہ استعمال سے ذہنی صلاحیتیں متاثر ہوتی ہیں اور نوجوان نسل میں ذہنی مسائل بڑھ رہے ہیں۔ والدین اور اساتذہ کے لیے ضروری ہے کہ وہ بچوں کے سمارٹ فون اور سوشل میڈیا کے استعمال پر نظر رکھیں۔
#دماغی_صحت #سوشل_میڈیا #ذہنی_زوال
