Zarae ke mutabiq qaumi duty ki wajah se Pakistan ke cricketers mukammal BPL mein hissa nahin le saken gey, kyunke BPL ke liye chunay gaye bohat se players qaumi team ka hissa hain.
Zarae ka kehna hai ke mumkin hai ke T20 squad ke mustaqil players ko NOC na diya jaye, lekin players ke NOC ka faisla case-to-case base par hoge.
– PCB ka London mein PSL road show karane ka elan
– Chairman PCB ka PSL franchises ke liye baray inaamaat ka elan
Zarae ne bataya ke Pakistan Cricket Board ne abhi tak BPL ke liye NOC dene se inkaar nahin kiya, magar Pakistan ke cricketers ki situation se BPL teams waqif hain, is liye woh apne liye alternate players bhi dekh rahi hain.
Wazeh rahe ke Bangladesh Premier League 26 December se 23 January tak schedule hai, aur is dauran Pakistan ne Sri Lanka ka tour bhi karna hai, jabke Australia ke khilaaf home series January ke aakhir mein schedule hai.
BPL mein Saim Ayub, Khawaja Nafay, Sufiyan Muqeem, Sahibzada Farhan, Muhammad Nawaz shamil hain, jabke Jehan Dad Khan, Ihsanullah, Haider Ali, Usman Khan, Abrar Ahmed aur Muhammad Amir bhi list mein hain.
Saim Ayub, Sahibzada Farhan, Muhammad Nawaz, Usman Khan aur Abrar Ahmed squad ka mustaqil hissa hain. Pakistan team 7, 9 aur 11 January ko Dambulla Stadium mein 3 T20 matches khelay gi.
