Muslim League N ke qaaid Mian Muhammad Nawaz Sharif ki Jamaat-e-Ulema-e-Islam ke sarbarah Maulana Fazlur Rehman se unki rehaishgah par mulaqat hui hai.
Islamabad mein hone wali mulaqat mein Ahsan Iqbal, Ishaq Dar, Rana Sanaullah, Khawaja Saad Rafique aur Maulana Ghafur Hyderi bhi shareek hue.
Is ke ilawah mulaqat mein Governor ke pe Ghulam Ali aur Noor Alam Khan ne bhi shirkat ki.
Zaraye ke mutabiq mulaqat mein mulki siyasi soorat-e-haal par baat cheet ki aur Nawaz Sharif ne Maulana Fazlur Rehman ko saath chalne ki dawat di.
Zaraye ka kehna hai ke mulaqat mein Maulana Fazlur Rehman ne Nawaz Sharif se galay shikwe bhi kiye jabkeh Muslim League N ke qaaid ne Maulana se hukoomat saazi mein madad ki darkhwast ki.
