HBL Pakistan Super League ke 14vein match mein Multan Sultans ne Usman Khan aur Iftekhar Ahmed ki shandar batting ki badolat Lahore Qalandars ko jeet ke liye 215 runs ka target de diya.
Lahore mein khel rahe match mein Multan Sultans ke captain Mohammad Rizwan ne Qalandars ke khilaf toss jeeta aur pehle batting ka faisla kiya.
Multan Sultans ne shandar batting karte hue muqarrar 20 overs mein 4 wickets par 214 runs score kiye, Usman Khan ne 55 balls par 96 runs ki dhamakedar innings kheli jabke Iftekhar Ahmed 18 balls par 40 runs bana kar naqabil shikast rahe.
Is ke ilawa Rizwan Hendricks ne bhi 30 runs banaye.
Wazeh rahe ke PSL 9 mein Lahore Qalandars ab tak ek bhi match jeetne mein kaamyaab nahi hui, Qalandars ne 5 matches khelay aur unhein paancho mein shikast hui.
Dusri janib Multan Sultans 5 matches khel kar 4 mein kaamyaabi ke baad 8 points ke saath points table par pehle number par maujood hai.
