Wazir-e-Azam Shahbaz Sharif ne Asif Zardari ko doosri martaba sadar muntakhib hone par mubarakbad di hai.
Shahbaz Sharif Zardari House Islamabad pohanchay aur Asif Zardari se mulaqat ki. Wazir-e-Azam ne Asif Zardari ko doosri martaba sadar muntakhib hone par mubarakbad di aur nek khwahishat ka izhar kiya.
Asif Ali Zardari ne sadrati election mein himayat par Wazir-e-Azam Shahbaz Sharif aur Pakistan Muslim League (N) ke qaid Nawaz Sharif ka shukriya adaa kiya.
Khayal rahe ke Peoples Party parliamentarians ke sadr Asif Zardari bhari akhriyat se sadar Pakistan muntakhib hogaye aur woh doosri baar sadar banne wali pehli siasi shakhsiyat bhi ban gaye.
