Bhaarat mein khaatoon mareez ke saath ek aisa afsos naak waqea pesh aaya jis se sab dang reh gaye.
Bhaarti media ke mutabiq yeh waqea riyasat Rajasthan ke shehr Alwar ke ek niji hospital mein pesh aaya jahan 24 saal ki shadi shuda khaatoon phaiphron mein infection ke sabab ICU mein dakhil thi.
Media reports ke mutabiq khaatoon ki janib se yeh ilzaam lagaya gaya hai ke adhi raat ko nursing staff mein se ek mard ICU mein aaya, usne kamray ke parday daale aur nazeeba harkaat karne laga, shor machane par usne khaatoon ko injection lagaya aur phir zyadti ka nishana banaya.
Khaatoon ne kaha ke hosh aane par usne shor machane ki koshish ki jis par mulzim ne use daraaya aur dobara se injection lagane ki dhamki di.
Mubinah zyadti ka shikar khaatoon ka kehna tha ke khaatoon nurse kamray mein aayi aur us se madad mangne ki koshish ki to bajaye madad ke khaatoon nurse bhi dhamkaane lagi.
Media reports ke mutabiq khaatoon ne subah shauhar ke aate hi use tamam tar waqeat se aghah kiya aur police ko shikayat darj ki jis par police ne karwai karte hue ICU ki CCTV footage haasil ki aur mulzim ko giraftar kar liya.
